KNO Malaysia kawn woi let myu sha ning baw ni a bawng ban hpawng hpe Nwawt seng a nta bawng ban ai lam.
Bawng ban ai lam gaw ga baw 6 hte hpang wa sai re lam chye lu ai.
Mu madu hpauyam Jaw seng Mai hpawng hpe hpaw hpang wa sai lam tsun ndau sai.
Ningbaw Nsang Htoi Nan kaw nna hkalum ga tsun let UNHCR ga baw seng nna sang lang dan sai,
Lawu na gabaw ni hpe hkying hkum 5 ram tsun bawng ban laiwa sai lam chye lu ai,Hkrak re mahtai langai myi mung rai n pru wa ai rai tim,matut nna komiti hpaw jat let lam shagu hpe myu sha ni yawng jawm jahkrup nna galaw sa mat wa yang kaja ai lam Slg Malang Tu Awng Kawn hpaji jaw lai wa sai.
1. Drug ( nang hpam lu sha hte seng nna gara hku di na)
2. kachin AID ( Garum gahtau hte seng ai lam)
3. NGO Training (sharin hpawng lawlaw hte seng ai lam )
4. Women Affair (Num,ma ni hte seng ai lam)
5. UNHCR ( Mungkan wunpawng hte kanawn mazum ai lam)
6. Ra mara lam ndai ga baw ni hpe naw matut nna bawng ban sa wa na lam mung chye lu ai.
Matsing hpa,
Malaysia mungdan de du shang wa nga sai ram ni ni hta 2008 hte 2009 ndai laman du sa ai ram ma ni nang hpam tsi mawan lu sha ai lam grai law wa ai hpe mu lu nga ai.
Maigan myusha maiganla la ai shayi sha ni hpe dai maigan la ni zingri nna dinghku brak ai lam ni law wa ai hpe ya ten malaysia kaw mu lu nga ai.
UNHCR hpe rasharawng let maigan mungdan de lahkam mayu nna sadu ai ni yawng gaw maigan mungdan kaba pru hkawm sa lu ai nrai nga ai,sadi ga.
Myusha ni a matu akyu jat wa na lam hpe ning shawng mu let galaw shakut ga ai rai tim .nmu mada ai mangyak mang hkang hte ding bai ding na law la nga ai,dai ning kawn gaw akyu jat ai hta yawm ai lam mung law law mu lu nga sai,Rim hkrum nna htawng kaba du mat ai lam,si hkrung si htan law wa ai lam,mani law law du pru wa nna ndai ma kaji ni a shawng lam jawng lung hpaji lam ni hta yak wa ai lam,refugee jawng ni nga ai nga tim chye hti chye ka hta lai nna tang du hkra hpaji chye jat na yak ai lam,
Nang hpam lu sha sha ai ni hpe Mungdan asu ya balik ni lu rim ai lam law wa majaw, Mungdan asu ya ni yu kaji wa ai lam,nan hte gaw refugee nre Tsi sha ,tsidut,rai lagu, ai myu ni she re nga nna Balik ni hte shaga yak wa ai lam ni law law byin pru wa nga sai.Buga de na kanu kawa,hpu nau ni tinang a kashu kasha ni hpe majoi myi n shadam kau ga,
Myusha ni yawng an hte galaw ai lam gara de du wa nga ai ngu hpe sawn dinglik yu nna galaw shakut nga ga law.
