Dimokresi Nhtang Hku
Shachyen ya ai lam.
Ndai Dimokresi Nhtang Hku ngu nna Myen hku ka ai laika htaq laika hpeq gara shaning htaq ka nna gara shaning htaq dip shaprawq ai lam nhtoi masat hpa mung n madun da ai hpeq mu lu ai. Bai nna laika man 81, ga baw htaq nhtoi hpeq 9-6-96 yaq shani ngu nna ka tawn ai htaq mung dai hpeq sharai da ai lam n nga[ ai. Ndai nhtoi htaq shaning hpeq 56 ngu nna ka da ai gaw htang dip ai shaloi shut mat ai rai na re. Jaw ai nhtoi gaw 9-6-88 re.
Ngai matsing lu ai hteq maren nga yang, ndai “Dimokresi Nhtang Hku” ngu ai lai ka hpeq Duwa Zan Htaq Sin gaw 1958 ning July shata htaq ka ai rai luq ai. Dai aten htaq shi gaw Jinghpawq mung daw ningbaw aya kawq nna pru mat nhtawm yumaya Paliman amat langai mi hku nga ngai aten re. Dai shaloi na Jing hpawq mungdaw ningbaw hpeq Jinghpawq mungdaw wunji ngu nna mung shamying maq ai. Ingalik hku Head Of Kachin state and The Honorable Minister For Kachin State ngu ai re.
1958 ning May shata htaq Mung hpawm Myen Mung hpeq Ingalik aq lataq kawq na shang lawt bai lu hkra woi awn nna, Mung hpawm Myen Mung hpeq 10 ning jan uphkang lai wa sai Hp.S.P.L .hpung, Ingalik hku (AFPFL Anti-Fascist People’s Freedom League) gaw lahkawng brang ga garan mat wa ai. Shing rai U Nu hte U Tin woi awn ai maga hpe Nu-Tin shing nrai Sanseng Hp.S.P.L hpung ngu shamying nna, U Ba Swe hte U Kyaw Nyein woi awn ai maga hpe Swe-Nyein shing nrai Ngang Grin Hp.S.P.L hpung ngu shamying ma ai.
Dai zawn Hp.S.P.L. lahkawng brang rai mat ai shaloi Jinghpaw mungdaw na mung masa hpung ni hta na Sama Duwa Sinwa nawng ningbaw ai P.Y.K.Hp.hpung hte Duwa Zau Rip ningbaw ai Pawng Yawng Ram Rawt hpung gaw Nu-Tin shing nrai San seng Hp.S.P.L.hpung hpe madi shadaw nna Duwa Zau Lawn ningbaw ai (KNC) Jinghpaw Wunpawng hpung gaw Swe-Nyein shing nrai Ngang Grin Hp.S.P.L.hpung hpe madi shadaw ma ai.
Duwa Zan Hta Sin gaw (KNC) Jinghpaw Wunpawng hpung kaw na amat rai nna lahta e tsun sai hte maren Swe-Nyein Hp.S.P.L hpe madi shadaw ai rai nna, Hp.S.P.L lahkawng brang rai mat ai hpang Nu-Tin Hp.S.P.L mahtang dang nna asuya matut galaw ai majaw Jinghpaw mungdaw ningbaw\ jinghpaw mungdaw wunji aya kaw na pru mat ai hku rai nga ai.
Shing rai wun ji aya kaw na pru mat ai hpang Duwa Zan Hta Sin gaw Swe-Nyein ningbaw ni hte rau Yang Gung mare e U Nu asuya hpe ginjang ai hku nna tara hkaw poi law law hta hkaw tsun wu ai rai yang, ga shaga kaja ai majaw amying gumhkawng wa ai. Dai hta n-ga ndai “Dimokresi N htang Hku” ngu ai laika hpe Myen hku ka shapraw dat ai majaw munghpawm Myen mung e amying ram ram gumhkawng lai wa sai.
Ngai gaw Duwa Zan Hta Sin Jinghpaw mungdaw ningbaw/Jinghpaw mungdaw wunji galaw nga ai aten hta (20-7-56) kaw nna 1958 ning June shata htum hkra (Private Secretary to Head of Kachin State/ The Honorable Minister For Kachin State) shi a amu madu hku nna shi hte rau hkawm sa ai hta n-ga, Yang Gon mare Wunji Wan (Windermere Park) nta N0.8 kaw rau nga lai wa sai majaw, ndai laika hta rawng ai dai aten na ahkyak ai mabyin masa lam ni hpe atsawm sha hkan chye lawm nngai.
Ndai laika hta anhte Jinghpaw Wunpawng amyu sha ni hku nna chye tawn ra ai ahkyak ai lam ni law law rawng nga ai rai nna, shi Myen hku ka tawn ai hpe shi a manaw hte maren Jinghpaw hku ka gale ya nngai rai.
Nhtoi 15-8-97 Duwa Nang Zing La, B.A., B.L.
