KNO Malaysia Ningbaw Nsang htoi nan kawn woi awn nna Malaysian care groups hkristan ginra de ReV; Denny Leow hte sa hkrum ai lam,
Malaysia Mungdan du ai Jinghpaw wun pawng ram ma ni law law wa nang hpam tsin mawan hpe lu sha ai lam law htam wa sai majaw myusha ni a galu kaba lam hta ahtu hkra machyi wa na lam hpe mu mada ai myit su ni kawn woi awn let lam tam wa ai hku re.
Shawng nnan kayun tu Hkun cho hpe kani dawn dabang de wa sa ap na matu lam tam sai.
shi gaw asak 19 ning sha naw re shadang sha naw re.shi a lam ntsa lam sagawn yu yang shi gaw laiwa sai mali ning ram kawn Kani lu,sha no.4 ni hpe sai lam kaw htu ai lam chye lu ai.Myitkyina kani dawn dabang kaw kani hpyat jasan kau ngut ai hpang malaysia de sa wa ai re lam chye lu ai.malaysia kaw du ai shata 8 ram na ai hpang bailu sha ai shata 2 ram bai lu sha hpang wa ai lam chye lu ai.Malaysia kaw gaw ya na tsi nnan mying pyi nchye tsun ai tsi hkum sum hpa lu sha hkrup ai lam,lani myi Ringit 50 ram htu,lusha re ai lam chye lu ai,shi jinghku jing yu ni hpe tsin yam jaw ai lam ndang hkam ai majaw ya na zawn seng ang ai myusha ning baw ni hpe tsun sha na karum hpyi ai re lam chye lu ai.
Malaysia mungdan hta e Karai a sak hkrung mung ga hte Nang hpam Kani hpyat jasan Kau ya ai dabang ni lawlaw nga ai rai tim an hte Myuwp sha ni gaw lekmat document hkum tsup hka nlu ai re majaw sadu tsi lajang na lam nmai ai hku re.
Tinang madu uhpung kata hta lam tam nna Karai mung ga hte dang di lu ai made sharin achyin let nanghpam lusha ai ni hpe asak wenyi lam tsun shadum ai lam gaw nga ai,Rai tim jagum hpraw aten hkying ginra masa hta hkan nna tang du hkra lu galaw ai lam gaw nnga ai.
Nang hpam lusha ai ni a asak wenyi hkye ai bung la hta shakut nga ai sara /ma ni gaw Sara Laring,Bukit bintang,Sara Zau awng Setapak ndai ni rai nga ma ai,
Matut nna ya ndai Malaysia care group ni hte bai matut nna shan hte hku nna an hte Kachin ni hpe mung sa gawan yu na lam gaw tsun bawng ban da sai hku re,
Daini na lamang hta sadu shang lawm Garum ai ni gaw,
Australia Mung dan na du sa ai KAA ning baw slg Dali gam,shigaw KNO Malaysia hpe sadu gawan let shang lawm ai hku rai sai.
Slg Nwawt Hkun seng,Malaysia ga gale,
slg Nsang Htoi nan ,KNO Malaysia ningbaw
shd Zaaudan Awng ,Univasity tailor IT jawng ma,
shd Hkun cho,Lusha ai wa,
shd Marip La wawm MKBC mumadu
Shd Tuja Manang tai ya
Ndai ni re lam chye lu ai,Matut nna shana maga 9:00pm hta MKBC gin ra hta e KRC ningbaw L.Naw seng,Rev: sara Ding shu Lahawng,ni hte tsun bawng ban ngut ai hpang Dr.Winni Zan hta a Hkristan gin ra de bai sa bawng ban jahkrup sai lam chye lu ai.
Matut nna myusha ni a rawt galu Kaba wa na lam hta Yawng Kyu hpyi shang lawm Garum ga ngu nna KNOJ blog kawn saw shaga dat nngai law,,
Sadu ai Malaysia care a hkring dat ni
Petros Community
11, Jalan Pisang, Batu 3.5,
Off Jalan Kelang Lama
Tel: 0379819857 / 03 79804014
Senior Director: 03 79802759
Fax: 03 79814612
MALAYSIAN CARE
15, Jalan 3/146, Metro Centre
Bandar Tasik Selatan,
57000 Kuala Lumpur.
Tel : +603-90582102
Fax : +603-90584057
Website : www.malaysiancare.org
Email : mail@malaysiancare.org
