Tinang kanu KNO-DK kawn woi awn let Europe dan de du nga ai wunpawng myusha ni yawng jawm pawng gumhpawn let (62) lang na Jinghpaw Mungdaw Masat N’htoi hpe dai ni January shata praw langai ya shani hta Denmark mungdan Ribe mare kaba hta grai awng dang ai hte galaw la lu sai re. N’dai (62) Mungdaw Masat N’htoi hta Netherland hte Sweden kaw du nga ai wunpawng myusha ni mung wu wu di di sa du shang lawm lai wa sai hte yawng masha 60 daram sa du kabu lawm sai re.
(62) lang na Jinghpaw Mungdaw Masat N’htoi hta myusha ni chye na ra nga ai jinghpaw wunpawng labau hte Jinghpaw Mungdaw Masat N’htoi gara hku byin pru hpang wa ai labau hpe mung Rev; Marip Larip kaw nna hkai dan hti dan lai wa sai.Grau na gaw dai ni na aten hta tinang kanu jinghpaw wunpawng mungdan kata hta byin nga ai mabyin masa ni hpe gara masa lam hku matut galaw hkawmsa makawp maga sa wa ra na lam ni yawng hpe mung matut hpaji jaw hkat lai wa sai re.
Ya na zawn anhte a Jinghpaw wunpawng mungdan ngu byin pru wa na matu lam magup hku n’na shakut shaja lai wa sai anhte a jiwoi jiwa ni hpe mung chyeju dum shakawn let arawng la nga ai lam, ji wa ni a shingran rai nga ai anhte myusha ni a gam maka hpe anhte nan dawdan la lu na lam hte shinggyim masha yawng hpe shinggyim masha hku sawn let shada tsawra let nga pra sa wa na lam hta anhte Jinghpaw wunpawng myusha ni dai ni jang myit hkrum gahkyin gumdin let labau leng hpe pandung du hkra htu ganawng sa wa na gaw anhte a lit nan rai nga sai hpe poi hta du sa ai Jinghpaw Wunpawng Myusha ni yawng gaw chye na hkam sha let shakut sa wa na lam hpe na lu chye na lu ai..
Poi hta du sa ai Nu num ni hku nna mung karai hpe chye ai ,karai hpe kam sham ai anhte jinghpaw myusha ni hku nna tengman ai karai kasang hpe kam ai hte maren tengman ai anhte a myusha lawt lam majan hta mung kaji kaba n’nga yawng shang lawm sa wa ga nga nna n-gun mi a lu n-gun jaw shadum wa sai lam mung na la lu sai hte du sa ai myusha ni yawng mung myit da ting la lu sai re.N’poi lamang hta du sa ai myusha ni yawng mung myutsaw mungtsaw lam hta grau na myit rawt let tatut hta mung grau na shakut sa wa na nga ai lam ni hpe mung poi hta du sa ai myusha ni kawn na chye lu ga ai.
Matut n’na mung ya daini anhte jinghpaw wungpawng myusha ni hpe katsi majan baw nga ai myen mung asuya a maw lahkyawn lam ni hpe mung ja ja myit dum let gasat sa wa ra ai lam, anhte a htung hkring lailen, laili laika, myu shamat kau na matu maw lahkyawn laba gaup nga ai myen mung asuya a masing masa hpe mung Myu hte Mungdan hpe tsawra makawp maga mayu ai myit majing hte gasat shamyit sa wa na matu mung Denmark,Holland,Sweden du jinghpaw wunpawng myusha ni kawn (62)Lang na Jinghpaw Mungdaw masat n-htoi hta mungkan ting hta chyam bra nga ai Jinghpaw Wunpawng myusha ni yawng hpang de ga saw lajin dat ai lam hpe mung matut na chye lu ga ai.
KNO-DK
Kachin Community In Denmark.
From: munglaihkyet sharawkawng <munglaihkyet@gmail..com>
