Kadai woi awn na?

13.02.2009
ten: 6:30-8:30pm
shara Wenworh hotel jumbo lusha seng

Myusha ningbaw ni yawng hte shana lusha poi na bawng ban ai mung ga,


KNO,KRC,KBC,Wunjat na myit su ni,ningbaw hpa awn usa ni yawng hte du zup let bawng ban jahta ai lusha poi lamang re.
shawng nnan langai hte langai shachyen shaga ai lamang hte hpang wa ai hku re,

sara salang Yu nguen gaw Malaya university kaw profesor galaw na matu Malaysia mungdan asu ya hte hkau ai jinghku manang ni shaga nna du sa wa ai re lam chye lu ai,sara shi galaw lai mat wa sai ,KBC magam bungli,UNDP a magam bungli,Sanwa Trading a magam bung li,UN,NGO ,mungdan a su ya Hkamja dap na magam bung li mahkrum madup ni hpe mung tsun hkrai sang dan lai wa sai hku re,

Ning baw hpa awn langai hte langai ni shan hte galaw ali wa sai mahkrum madup,mang yak mang hkang ni shada tsun sanglang dan mat wa sai hku re,

Lusha seng e Wa hkalung kasha langai kakang sha ngut du hkra jahta nna lu la ai mahtai gaw:
sara wa hku nna hpaji jaw ai gaw ;
Ya nan hte Malaysia kaw du nga sai uhpung u hpawng ni hta yawng ngu na ram hkum tsup nga sai,grau nna systematic byin hkra shakut sa wa na sha ahkyak sai,
Nan hte ni hta tsi hpaji hte seng ai ni mung woi awn nga sai,laikilaka bawng ring hte seng ai ni hpe woi awn ai mung nga sai,myusha masa , mung masa lam hta woi awn ai lam mung nga sai,Makam masham lam hta mung Phd,Dr.madang ram chye chyang ai ni woi awn nga sai,tsinyam ni hpe maigan madang de galai shai hkra woi awn na ni mung nga sai,

Rai tim nan hte hta ra nga ai langai gaw Ndai Malaysia mung dan e kanu tai Kawa tai,hpu shawng hpuba tai nna, yawng a mang hkang hpe asuya ni hte tara shang jeyang garum shing tau ya ai marai langai ra nga ai,dai woi awn ai wa gaw,gara mai gan de mung npru sai,ndai Malaysia kaw aten na na lu jaw ai Tara upadi chye ai (law) hte hpaji madang ngut ai,english ga laika maigan ga 2,3 ram chye ai wa rai ra ai.Lawyer ni tsun jang gara mungdan asu ya re tim grai sadi maja let madat ya ai re,
Dai majaw ndai zawn re hpa awn tam ra nga ai,shi hpe mung uhpawng shagu na jinghpaw wunpawng myusha ni madi shadaw la ra na re nga nna hpa ji jaw lai wa sai gaw matsing la hpa rai nga ai law,

Kachin Wedding Malaysia Cheras

Laimat wa sai ten KDO,KRC kaw Magam gun ap nawng lai wa sai Sara Ahsyn yan Sumlut Ahtsen yan a Hkung ran poi Masat sum la re.

Shadang Hkun myat Kawn poi lamang hta Kum hpa hkap Karum ya nga yang

KRC,KNO ningbaw hte myusha myit su nkau ni mung ndai zawn sadu kabu lawm nga

8.02.2009

shana daw 4:00pm hta hkung ran poi lamang hpe galaw hpang wa nna,6:00pm hta daw sha lamang hpe galaw ngut kre lu sai lam chye lu ai.

KNO Malaysia Rawt malan ning htoi masat

KNO Malaysia Kawn woi awn let Ndai zawn N gun myi alu rai,Rawt Malan poi lamang hpe galaw awng dang la lu sai hku re.

Wunjat,KRC,hte Malaysia na Jinghpaw Wunpawng uhpung ni yawng sadu n gun jaw let hpawng chyawm lu sai hku re.KNO Jinghpaw wunpawng Myusha hpung gaw Myusha ni a matu asu ya langai hku nna tsap ya lu wa na re.nga nna Wun jat dat kasa(Sara D.Gumsan) kawn Mung ga hte hkaw tsun n gun jaw lai wa sai hku re,KRC ning baw ning la ni mung KRC hte seng ai myu sha ni a magam lam hpe hkaw tsun n htawm KNO zawn rai myu sha ni a matu Mung masa lam hta jaja tsap ya ai mung nga nan nga ra ai lam tsun lai wa sai hku re.

48 lang na rawt malan masat ninghtoi

48 lang na rawt malan masat ninghtoi galaw na matu saw shaga laika

Kanu mung dan hte Mungkan mung dan shagu de du hkwam nga a chyu rum Jinghpaw wun pawng sha ni yawng gaw du na 5 /02/2009 shani Wunpawng myusha ni hpe dip up sha nga ai kawn lawt lu na matu rawt malan hpang ai ning htoi hpe masat dingsat galaw na re lam chye lu ai.

Malaysia mungdan du nga ai chyu rum Jinghpaw wunpawng sha ni mung Dai rawt malan poi masat ding sat galaw na re lam KNO Malaysia ning baw Nsang Htoi nan shana shana wa ai hku re.

48 lang na rawt malan masat nhtoi hpe Malaysia Kachin nantional organization ( jinghpaw wunpawng myu sha hpung) kawn woi awn let galaw sawa na rai nna yawng hpe sadu shang lawm na lam saw shaga ndau dat lu ai hku re.

Ning htoi : 5 .02.2009

Aten : 3:00pm - 6:00pm

Shara : Htap 14 ,City Tower ,Jalan alor,Bukit bintang,KCF ginra

Ndai gin ra hta galaw sawa na re lam shana dat ai.

Shana ai KNO Malaysia Ningbaw,

2009/1/30 nsanghtoi nan

KNO Malaysia a shamu shamawt laiwa sai sumla shiga ni