Kachin ni Hta Ra nga ai Maigan Mungdan ni hte a ding tawk lu matut mahkai na daram Greng ai U Hpung ni ....

Munglai Hkyet

Kachin ni Hta Ra nga ai Maigan Mungdan ni hte a ding tawk lu matut mahkai na daram Greng ai U Hpung ni ....
Kachin Yawng A Gawng Malai
1.Ga Gale Hpung
2.Tsi Du Hpung
3. Tara Kasa (Gyi)Hpung
4.Hpaga Hpung
5. Media Hpung
6.N-Ga n Tsa -Kata N Hprang hte seng nna Gawn Sagawn Chye Chyang Ning Hkring Hpung
7.Jawng Ma Hpung
8.Ramma Hpa Awn ...
9. Maigan Kyit Hkai (dat kasa)Hpung !! (Bu Hkawm Bu Sa A matu hte hpawm)
10. Bawng Dung Htawng Rawng nga ai ni hpe Gawan Katsan na Hpung
11.Hpaji Dap
12. Mayun Kumhpa Jaw, Sha re ai ni hpe Ding lik jep Joi na Hpung !!
13.Shing Gyim A hkaw A Hkang hte seng ai Hpung
14.Engineer Hpung!
15.Jau Gawng Muk Hkyu Hpung !
16. Ginsup (sport) Hpung (...............
17.Myit Sawn Shingran Hpung
Ra ai hkrai hkrai rai wa ai le i .... MLH

Du Magam Baw shareng ga

By: Munglai Hkyet

!! Magam Baw shareng ga!! Anhte Kachin ni Kani hte n Si htum mat na matu Anhte a Magam Baw hpe shareng ga!! Kani hte Anhte a Magam Baw ni htum wa nga ai!! Kani hpe Koi lu na matu n dai lam ni galaw gring ai ngu mu mada ai!!
1. Jobcenter (bungli hte seng ai dabang)hpe mare Kaba Shagu Kaw hpaw ra ai,, Dai dabang Kaw nna Bungli tam ai hte bungli sharin ya ai Lamang , Pahkam Hkam ya ai hte Bungli galaw ai ni a lu gring ai A-hkaw a hkang ni Tup Hkrak lu hkra Myusha ni hpe Woi Awn ra ai!
2. Sport Center (Ginsup Dabang) hpaw ra ai,, ...Sport a A Kyu gaw yawng chye na Sai !!
3.. Music Jawng Kaba Myitkyina Kaw lu hpaw hkra galaw ra ai...
4. Dakkasu Jawng hpaw na lam KIO kawn galaw taw Sai majaw dai lam hpe Awng Dang hkra Anhte yawng jawm shakut ra ai!!
5. Myusha Masing Kaba ni hpe Myusha ni yawng hte jawm bawng nna Tatut Lawan galaw Woi hkrang shachyaw Woi ra Sai !!
6. Hpung Makam masham lam hte sharin shaga lam Woi la ra ai zawn Labau chye Myitsawn hpaji chye ai ni Myit N-Gun jaw let Mung Woi Zin Lum na ah hkyak ai!!
7. Myusha masing ngu ai Hta Ah Hkyak ai 1 ,Hkamja lam na matu Kachin Tsi Du Hpung ngu ai hpe Mung Lawan gin shalat la ra Sai !!
Ngu mu mada n ngai!! Ra ai lam law law re ai Hta na n dai hte mi shawng lu galaw lu yang gaw ngu shingran let: MLH :(Ga Ngam-- Kani Nang Hpam Jep Rim Ning Hkap hpung hpe Mare na Ramma ni Woi Awn galaw ra Sai- Myen Asuya hpe Lat nga n Mai Sai !!)

hkyak hkyak

Ya aten gaw, Myitkyina hte Manmaw kaw na Myen Hpyen Nbungli Daru ni
hpe mung hkyak hkyak nan wa htim gasat lu yang kaja na re.
Bai nna Miwa ni kaw na Tear Gas ( Myiprwi Bom) ni hpe mari lang let
Wunawng Wuwa hte lung wa ai Myen Hpyenla ni a lapran de gap bun yang
mung kaja na re ngu, ngai mu mada ai lam ni hpe ka shana dat ai yaw.
Ngai mung akyu hpyi garum nga nngai.
Hpawt ni kaw nna gaw ngai hkum nan tatut hkawm sa galaw ra sai lam hpe
shana dat ai yaw. Nye a matu mung bai akyu hpyi garum ya marit yaw.
Chyeju kaba sai.
Ndai lam ni hpe seng ang ai de lawan ladan tsun ya rit le. Ngai tsun
dan na matu yak taw ai majaw re yaw. Karai Kasang shaman ya u ga.
By/Peter

Laknak Kaba hte seng nna

Ngai hpe myen hpyen dap kaw nna pru mat ai Myawk Dap kaw nna Jinghpaw
la langai tsun dan ai hpe mung bai shana dat ya ai yaw.

Dai gaw, 

Shanhte Myawk Dap ni kaw nna gaw Yu Reng ai wa gaw
(Binoculars) lang nna gara shara de gap na matu matsun ai. Bai nna
marai lahkawng gaw Machyu pala hapi bang ya ra nna, shingte ngut ai
hpang sumri gang nhtawm gap bun ai re. Shanhte Myawk Dap ni gaw san
san nga ra ai ni re, nga nna tsun dan lai wa sai re. Dai La gaw, moi
Karen ni hpe gasat ai hta lawm wa ai mung re. Shi tsun ai hta Karen ni
hpe dang ai gaw Myawk Kaba gap garum ai majaw re nga nna ahkyak la nna
tsun dan ai.

Ngai a ningmu gaw, ndai Myawk Dap ni nga ai shara shagu hpe KIA ni hku
nna matsing la nhtwam Hang Kai Bum kaw na zawn wa htim nna jahten kau
ya jang gaw shanhte ni n gun kya mat na re. Bai nna lu sha hte lu hka
ni hpe mung shakyet kau ya jang, hpyen luk suk ni gaw gara hku mi
raitim, n gun kya mat na re ngu, ngai mu mada ai lam ni hpe seng ang
ai ni hpang de lawan ladan tsun dan ya marit yaw. Karai Kasang shaman
ya u ga.
Kam hpa let,
 peter

Pacific namuk dara na panglai hkrudu a laika kadun myi

Anhte KIA ni mung communist galaw nna miwa ni rau pawng mat yang kaja na shadu ai...myen  rau gaw n-mai sai...nepal mung dan kaw ..Communist Party of Nepal (Maoist) ni dang mat ai..
Miwa gaw communist she galaw na nga yang gaw garum chyalu re.
.Shanglawt she lu na nga yang gaw communist rai tim galaw yang kaja na shadu ai..
Myen ni hpe kam gaw n-mai sai..
hkau nang gara hku mu mada ai?
anhte a KIA ning baw ni hpe tsun yu yang kaja na i?
By: Panglai hkrudu

Bu hkawm brang a laika

Hkawp Hkungga ai Magam gun ni,

Ngai du hkawm ai shara shagu kaw gaw anhte wunpawng myu sha ni yawng
akyu aja awa hpyi nga ma ai re.
Nkau shara kaw gaw, Nawku jawng kaw she yup hkra rai nna hkying hkum 24 akyu hpyi ai lam ni nga ai re.
Ngai mung atsam htum shakut taw nga ai yaw. Ngai a manang langai tsun dan ai hpe bai htawn tsun dan mayu ai.

Dai gaw, Anhte KIO/KIA ni hku nna ya na prat dep jak rai ni hpe lang nna myen ni a nbungli ni hpe gap kau ya ra ai lam, Myikyina kaw na hpyen nbungli pa hpe mung sa jahten kau ya ra ai lam, wan leng lam ni hpe mung shara 10 daram kalang ta sa kapaw di kau ya ra ai lam hte myen n gun ni n lai lu hkra mung ahkyak ai shara ni hpe lawan ladan jahten
kau ya ra sai lam ni hpe tsun dan lai wa sai re. Grau nna gaw myen baw lapau ni nga ai shara ni hpe sa jahten kau ya ra ai lam hpe mung tsun dan ai hpe, ngai hku nna htawn shalai ka dat ai re.
Seng ang ai Ningbaw ni hpe mung matut tsun dan ya rit yaw. Karai Kasang shaman yu
u ga.
''Peter''

Ning mu ( plan 3)

Hkawp Hkungga ai Magam gun ni hpang de,

Myen hpyen ni hpe gaw malu masha shakyet kau ya ai ladat, machyu pala
ni hpe lam kaw nna hkap jahten kau ya ai ladat, kom man do (Jau Gawng)
ladat ni hte gasat yang she ten galu hta anthe ni awng dang na re ngu
mu mada ai. 
Hpa majaw nga yang, Vietnam ni gaw Amerikan ni hpe ndai
ladat hte gasat wa ai majaw re. Grau nna moi shawng de mung, anhte a
share ninghkring ni gaw Kom man do (Jau Gawng) ladat hte dumhpau sinat
ni rau sha gasat lai wa ai shaloi awng dang ai lam ni law law lu lai
wa ai masa ni mung grai nga ai majaw mung rai nga ai.

Bai nna, VOA, RFA ni hku nna san-htai galaw wa  ai shaloi mung,
shanhte ni gaw Myen ga hte san yang, anhte ni gaw Jinghpaw ga hte htai
ya di nna anhte a Myusha ga hpe mung manu shadan la nga ga ngu seng
ang ai ni hpe htawn tsun dan ya marit yaw.

N dai lam ni gaw ngai mu mada ai, nye kraw kata hta hkam sha ai lam ni
hpe hpaw tsun dan ai re.
N masu nna tsun dan ga yang, ngai kaja wa nan majan de sa gasat mayu
ai re. Raitim, nye manang langai hpaji jaw ai gaw, n dai zawn hpaji
ladat hte gasat ai ni mung nga ra ai, hpa hkum tsang u, nga nna hapji
jaw wa ai majaw ngai nanhte ni hpang de laika ka let shakut sa wa ai
re. Kaga lam yan ni hta mung ngai hku nna Myen ni hpe gasat taw nga ai
re. Ga shadawn tsun ga nga yang, Shawnglam kaw nga ai KIA hpyenla ni a
matu akyu hpyi ya ai lam, nye makau na ra kadawn taw nga ai ma kasha
ni, hpyen yen ni hpe hpaji jaw, ja gumhpraw kaji kajaw garum, laika
buk ka ai lam ni hpe galaw taw ai re.

Hkyak hkyak bai kahtap tsun mayu ai gaw, Myen hpyen ni hpe gaw Malu
masha shakyet kau ya ai, laknak htaw modo ni hpe jahten kau ya ai Jau
Gawng ladat ni hpe jai lang yang gaw kaja na re ngu, tsun dan mayu ai
law.
Seng ang ai ni hpe mung htawn tsun dan ya marit yaw. Chyeuju kaba
sai. Karai Kasang tut shaman ya u ga.
By/ peteru

Ning mu (plan-1)

Hkawp Hkungga ai Magam gun ni hpang de,
 Ngai hku nna tsun dan mayu ai ningmu ni hpe ka shana dat ai.
Hpyen masa hta gaw Daw Hpum Yang kaw nga taw sai Myen hpynla ni hpe gaw wang nna tsep kawp n'nga mat hkra nan gasat kau ra ai.

Grau nna Myen ni a laknak kaba shadun tawn da ai Hangkai bum hte Gang Dau Yang Bum ni hpe atsai awai nan sa gasat zing la ra ai. Dai hku htim gasat hkawm aishaloi gaw nbungli gap sanat ni hpe mung hpai hkawm ra na re.

 Bai nna Myitkyina kaw na Ma Pa Hka hpe mung sa htim let dai kaw nga taw ai baw labau ni hpe gawt kau ra sai.

 PutaO de yen lung wa ai Modo ni kaw na n-gu ni hte laknak ni hpe mung MHH ni kaw nna sa htim let la kau ya nna Hpyen Yen ni hpe jaw sha na hku ladat shaw yang kaja na re.

Grau ahkyak ai gaw, gaw sharawt bungli ni hpe mung majan n shang ai ni kaw nna Hpaji masa, Sut masa, hte kaga ahkyak ai Lam ni galaw ai masa ni hpe mung ladat shaw let galaw sa wa yang gaw grau kaja na re.

 Myen hpe kam taw nga yang gaw shaning 100 hpring tim lu na n re ngu, ngai mu mada ai lam hpe tsun shana dat ai re.

Ngai mung atsam htum hkra shakkut taw nga ai lam hpe mung tsun dan mayu ai yaw. Mai byin yang,seng ang ai ni hpe mung tsun shalai ya marit le.

 Chyeju kaba sai. Karai Kasang tut shaman ya u ga.
 By: peteru